Gaadiidka dadweynaha ee Hämeenlinna

Waxaad kaadhkaaga safarka ee Waltti ka iibsan kartaa goobta adeegga ee Kastelli ama onlayn ahaan dukaanka Waltti. Kaadhku wuxuu joogaa 5 euro.

Kaadhka Waltti waxaa lagu shuban karaa:

• Tigidhka xilliyeedka: waxaad safri kartaa tiro aan xadidnayn inta uu tigidhku shaqaynayo. Muddada shaqayntu waxay noqon kartaa 30, 90 ama 180 maalmood.
• Tigidhka qiimaha: kaadhka waxaa lagu shubayaa qaddar lacag ah oo go’an, taasoo ka go’aysa mar kasta oo kaadhka la isticmaalo. Qiimuhu ma dhacayo.

Waxaad iibsan kartaa tigidhka hal mar ah:

• Lacag cadaan ah ama lacag-bixinta fogaan-aragga ah (contactless) ee baska dhexdiisa. FIIRO GAAR AH: lacag-bixinta fogaan-aragga ah waxaa lagu bixin karaa oo keliya safarka hal qof. Haddii aad tigidhka hal mar ah ku iibsanayso lacag cadaan ah, fadlan diyaari lacagta saxda ah. Darawalku ma haysto lacag badan oo uu ku thiriyo.
• Taleefanka adigoo isticmaalaya abka moobaylka ee Waltti. Markaad baska gasho, ku akhri koodka QR ee tigidhka qalabka wax akhriya.

Tigidhka kaalmada safarka dugsiga ee KELA: Tigidhadan la kabo waxaa loogu talagalay ardayda dugsiyada sare ee hela kaalmada safarka dugsiga ee ay bixiso Kela. Macluumaad dheeraad ah waxaad ka heli kartaa bogga Kela.

Tigidhka ardayga: Ardaydu waxay helayaan qiimo dhimis ardaynimo oo loogu talagalay tigidhka xilliyeedka ee 30-ka maalmood ah. Tigidhada hal mar ah looma hayo qiimo dhimis ardaynimo. Qiimo dhimista ardayga waxaa la helayaa haddii waxbarashadu tahay mid waqti buuxa ah, ay horseedayso xirfad ama shahaado, muddada sannad-dugsiyeedka ardayguna uu yahay ugu yaraan 8 bilood.

Tigidhka kaalmada safarka dugsiga iyo tigidhka ardayga waxaa lagu shubaa kaadhka Waltti. Waxaad u imaan kartaa inaad tigidhka ku shubato goobta adeegga ee Kastelli ama adiga ayaa iska shuban kara dukaanka Waltti.