Liiska xusuusta ee qofka guuraya

Markaad qorshaynayso guurka, arrimaha horay u sii diyaari.

Badanaa guryaha kirada ah waxaa leh muddo ogeysiis ah oo 1 bil ah. Waa inaad guriga nadiifisaa oo aad ka guurtaa muddadaas gudaheeda. Ha joojin kirada guriga ilaa aad ka saxiixdo heshiiska kirada ee guriga cusub.

Haddii aad raadinayso guri cusub oo aad hesho kaalmada Kela (tusaale ahaan kaalmada nolosha ama kaalmada guriga), hubi in kiradu aysan aad u sarreyn marka loo eego xeerarka Kela. Haddii kiradu aad u sarreyso, Kela ma bixinayso deboosidda guriga. Haddii aad adigu bixiso deboosidda, Kela sidoo kale ma bixin doonto kaalmo dheeraad ah oo xagga kirada ah mustaqbalka. Waa inaad adigu bixisaa kirada dheeraadka ah bil kasta adigu.

Liistada hubinta ee qofka guuraya – sida uu guurku si fudud ugu qabsoomo

Haddii aad ku nooshahay guri kiro ah, ku wargeli guurka maamulaha dhismaha/mulkiilaha guriga

U samee ogeysiis shirkadda dhismaha ee hore iyo tan cusub labadaba.

U samee ogeysiiska guurka Hay’adda xogta dhijitaalka ah iyo dadweynaha

Waxaad samayn kartaa ugu horreyn bil ka hor guurka, ugu dambeyna toddobaad ka dib guurka. Ogeysiiska waxaa lagu samayn karaa internetka ama warqad ahaan.

Tag si aad u samayso ogeysiiska guurka

Ku wargeli cinwaanka cusub meelaha aad boostada ka hesho

Inta badan ururada iyo shirkaduhu waxay cinwaankaaga cusub si toos ah uga helaan diiwaanka dadweynaha. Si kastaba ha ahaatee, adiga ayaa mas’uul ka ah in biilasha lagu soo diro cinwaanka saxda ah.

Haddii aad carruur leedahay, u diyaari meel cusub oo waxbarashada carruurnimada hore ama dugsi ah haddii loo baahdo

U sheeg dugsiga iyo xannaanada carruurta guurka isla marka uu xaqiiqoobo, oo jooji booskii hore haddii loo baahdo.

U wareeji xiriirkaaga internetka, heshiiska korontada iyo caymiska guriga cinwaanka cusub ama samee heshiisyo cusub

Waxaa habboon in la isbarbardhigo qiimaha bixiyeyaasha adeegga ee kala duwan si loo helo kan ugu jaban. Waxaad heshiisyada adigu ku samayn kartaa internetka ama waxaad wici kartaa bixiyeyaasha adeegga.

Haddii aad u guurayso guri gaar ah, samee sidoo kale heshiisyada kale ee lagama maarmaanka ah

Tusaale ahaan heshiiska biyaha iyo maaraynta qashinka.

Hela caawimaad guurka oo suurtagal ah waqti hore

Si fiican u nadiifi gurigii hore

Sidoo kale faaruqi bakhaarada suurtagalka ah iyo garaashka.

Ku celi dhammaan furayaasha maamulaha dhismaha ama qof kale oo lagu heshiiyey waqtigii loogu talagalay, marka guriga la nadiifiyo